Nasa kwarto si Jeremy at nakahiga sa kama niya. Tulala siyang nakatingin sa kisame nang kumatok at pumasok ang kanyang ina.
“Anak, ano ba talaga ang problema? Napapansin ko nagiging mainitin ang ulo mo kapag nababanggit si Vita ng mga kapatid mo. May problema ba kayo?” tanong nito sa kanya.
Napabangon siya mula sa pagkakahiga. Hindi niya maiwasan na mapabuga ng hangin at naisip na hindi habang buhay ay matatago niya sa mga ito ang katotohanan na wala na sila ng dalaga. Sinabi niya sa kanyang ina na hiwalay na sila ni Vita at wala na siyang trabaho.
Hindi niya sinabi kung anong dahilan kung bakit sila naghiwalay. Mabuti na lang at hindi na siya pinilit ng ina na sabihin ang dahilan. Ewan ba niya, ayaw niyang sabihin dito kung anong dahilan ni Vita. Siguro ay dahil ayaw niyang ma
