Hanggang ngayon ay hindi pa rin makapaniwala si Vita na si Jeremy na ang bagong may-ari ng pinagtatrabahuan niyang hotel. Pero natutuwa siya sa naabot ngayon ng binata. Sa wakas ay natupad na din nito ang matagal na nitong pinapangarap sa pamilya, ang maihaon ito sa hirap.
Wala na ang dating Jeremy na minahal niya noon dito. Hindi na niya nakikita sa Jeremy ngayon.
Ang Jeremy na unang tingin mo pa lang ay alam mong pwede mong lapitan at kaibiganin. Pero ngayon, may pagiging aloof na itong aura. Malamig din ito kung makatingin sa mga taong kausap nito. Ngumingiti man ito, ngunit walang buhay.
Napahawak si Vita sa kanyang dibdib at napapikit. Alam niyang siya ang dahilan kung bakit naging ganito ang binata ngayon. Sinaktan niya ito noon at hindi siya nagsisisi sa ginawa. Napadilat siya ng
