Hila-hila pa rin ni Sandra si Jeremy hanggang sa makalabas na sila ng mall at makalayo. Tangay-tangay lang siya ni Sandra at nagpapadala naman siya. Walang nagsasalita sa kanila habang naglalakad sila. Dinala siya nito sa hindi mataong lugar.
Hanggang ngayon ay hindi pa rin siya makapaniwala sa ginawa nito kay Vita at sa sinabi nitong mahal siya nito. Hindi niya alam na gano’n pala ang nararamdaman nito sa kanya. Bakit hindi niya napansin? Dahil ba manhid siya o sadyang kaibigan lang talaga ang tingin niya dito kaya ni minsan ay hindi niya naisip na magkakagusto ito sa kanya.
Nang huminto sila sa paglalakad ay binitawan na nito ang kamay niya. Nakatalikod ito sa kanya kaya hindi niya alam kung anong itsura nito ngayon. Aaminin niya, kinakabahan siya ngayon.
Kahit na gano’n ang
