“Dad, I’m okay,” sabi ni Vita sa kanyang daddy na tumawag pa galing sa ibang bansa.
Nalaman na kasi nito ang ginawa sa kanya ni Monte. Gusto nitong umuwi, pero hindi na siya pumayag. Alam niyang busy ang mga ito kaya ayaw na niya itong maistorbo. Total, maayos naman siya at nandyan si Jeremy para alagaan siya.
“No. Uuwi kami diya ng mommy mo sa makalawa. Gusto kong makasiguro na makukulong ang gagong lalaking ‘yon.” Ramdam niya ang gigil nito. “Ipinagkatiwala kita sa kanya tapos ganito pala ang gagawin niya sa ‘yo. I shouldn’t trust that bastard!”
Alam niyang galit na galit ito ngayon at naiintindihan niya. Kahit sinong magulang ay magagalit kapag nangyari sa mga anak nila ang nangyari sa kanya.
“Ayos lang naman ako, Dad. Walang nangyaring masama sa akin dahil dumating aga
