Nakaharap si Jeremy sa maliit nilang salamin habang inaayos ang kanyang polo. Nakasuot siya ng isang strip na polo na kulay black and white, nakapantalon siya at nakasapatos.
Napalunok siya at kinabahan na naman sa isiping makakaharap na niya mamaya ang mga magulang ni Vita. Ilang beses siyang napabuga ng hangin sa harap ng salamin.
“Kinakabahan ka ba, anak?” tanong ng kanyang ina at sinuklayan ang kanyang buhok.
Napahinga na naman siya ng malalim. “Hindi ko maiwasan, ‘Nay, eh.”
“Huwag ka ng kabahan, anak. Magugustohan ka din nila dahil hindi ka lang gwapo, mabait, at masipag ka pa.” Bahagya nitong tinapik ang kanyang mukha. “Ang gwapo mo kaya. Manang-mana ka sa tatay mo.”
Napangiti siya dahil pinapagaan ng kanyang ina ang kanyang loob. “Alam ko naman ‘yon, ‘Nay, pero h
