“Vita,” bigkas niya sa pangalan ng babaeng mahal na kay tagal din niya hinanap.
Hindi makapaniwala si Jeremy na sa loob ng limang taon na paghahanap niya dito ay nakita na din niya ito sa wakas. Biglang pumasok sa isip niya na ganito din ang eksena noon nang magkita sila ulit.
Napatingin siya sa uniform nito. Base sa uniform nito ay nasa marketing department ito. Tumingin ulit siya sa mukha nito. Kung ano ang mukha nito ng una niya itong makita sa club ay gano’n pa rin ang mukha nito hanggang ngayon. Maganda pa rin. Para sa kanya ay wala na talagang ibang maganda kung hindi ito lang.
“Dito ka nagtatrabaho?”
“Ikaw ba may-ari ng kompanya na ito?” Natawa ito na ikinalunok niya. “Kapag minamalas nga naman ako.” Pinamewangan siya nito. “Lumayo na nga ako, bakit pinagtatagpo pa r
