Nang makita ni Vita sa relong pambisig niya ang oras, na uwian na ay agad niyang kinuha ang kanyang mga gamit at nagmamadaling umalis sa departamento niya. Wala pang oras kanina ay inayos na niya ang mga gamit niya para kapag uwian na ay makakaalis na siya kaagad.
Ayaw niyang maabutan siya ni Jeremy. Ayaw na niya itong makausap o marinig kung ano man ang gusto nitong sabihin sa kanya. Kaya nga siya nagpakalayo-layo ng mahabang panahon para kalimutan ito at ang mga masasakit na naging karanasan niya.
Naging mahirap ang buhay niya ng lumayo siya dahil mahal niya ang binata, pero kinaya naman niya. Kinaya niya ang sakit, lungkot, at hirap. Ngayon na maayos na siya at kontento na sa buhay niya ay muli itong magpapakita sa kanya? Balak ba nitong guluhin na naman ang tahimik niyang buhay
