Maaga pa lang ay pumasok na si Vita sa kompanya. Noon pa lang talaga ay maaga na siyang pumapasok. Mabuti na ‘yong maaga kaysa naman sa ma-late siya. Pumasok siya sa elevator saka pinindot ang eight floor. Dahil sa wala pangkatao-tao sa building kaya siya lang mag-isa sa elevator.
Nang papasara na sana ito ay may biglang pumigil dito at gano’n na lang ang gulat niya ng makita si Jeremy. Parang bigla ay gusto niyang lumabas sa elevator at maghagdan na lang. Ayos lang sa kanya kahit na mahaba-haba ang aakyatin niya kaysa naman makasama ito sa maliit na espasyo ng elevator.
Bago pa man siya magtagumpay sa plano niya ay agad na pinidot ni Jeremy ang close button dahilan para agad itong magsara. Mahigpit siyang napahawak sa kanyang bag saka isiniksik ang kanyang sarili sa sulok ng eleva
