Hindi maiwasan ni Jeremy na magulat nang halos gabi-gabi ng pumupunta si Vita sa club. Minsan kasama nito ang mga kaibigan niyang bakla, minsan naman nag-iisa lang ito. Hindi niya maintindihan kung bakit ito balik nang balik. Hindi naman ito umiinom, tanging juice lang ang iniinom nito.
Minsan napapaisip siya kung wala bang juice sa bahay nito kaya palagi itong balik nang balik dito sa club o baka naman masarap ang juice na sini-serve dito.
Tumayo siya saka lalapitan sana ito nang may humarang sa daraanan niya. Isa ito sa mga naging customer niya. Hindi man niya naaalala ang mga pangalan nito ay namumukhaan naman niya.
“Joaquin,” mapang-akit na tawag nito sa palayaw na ginawa niya.
“Hi,” bati niya dito saka humalik sa pisngi nito. Normal na sa kanya ang humalik sa pisngi n
