Simula nang araw na ‘yun ay hindi na niya muling nakita pa si Vita. Nami-miss man niya ang maganda nitong ngiti at ang pagiging isip-bata nito ay mas mabuti na siguro ito. Iniisip niya na baka kaya hindi na ito pumupunta sa club ay dahil may boyfriend na ito.
Baka ang boyfriend nito ngayon ay ang lalaking sinasabi nitong gusto nito. Hindi imposible na magkagusto ang lalaki dito, dahil maliban sa maganda ito ay mabait pa. Napabungtong-hininga siya. Napakaswerte naman ng lalaking ‘yun. Sana siya na lang.
Nanlaki ang mga mata niya sa naisip saka napailing-iling. Ano ba ang iniisip niya? Ayaw niyang lumala ang nararamdaman niya dito pero palagi naman niya itong iniisp. Natawa siya sa sarili saka nasapo ang noo. Ano bang dapat niyang gawin para mawala ito sa isip niya? Inisang lagok niy
