“Je!” Napalingon si Jeremy sa tumawag sa kanya at nakita si Nancy na tuamtakbong papalapit sa kanya.
Hinawakan niya ito sa magkabilang siko ng makita niya hinihingal ito, tila ba parang may humahabol dito.
“Okay ka lang? Bakit para kang hinahabol diyan?”
Napatingala ito sa kanya. “Nandiyan kasi si Herbert.”
Napatingin siya sa likod nito pero wala naman siyang nakitang lalaki na nakasunod dito. “Saan? Wala naman akong nakikitang nakasunod sa ‘yo.”
Umayos ito ng tayo saka inayos ang sarili. “Hindi ko naman kasi sinabing nakasunod siya sa akin.” Napakamot siya sa ulo dahil sa sinabi nito. Minsan din may pagkapilosopa ito, eh. “Nando’n kasi siya sa may counter. Kasama ‘yung bago niya.”
“Oh, anong problema? Akala ko ba naka-move on ka na sa kanya?”
“Oo nga. Pero ala
