“Mabuti na lang at nakahanap ka ng malaking halaga, Je,” sabi ng nanay ni Jeremy habang nakatingin sa bill nila na kababayad lang nila. “Dahil kung hindi, hindi ko alam kung saan tayo hahanap o uutang ng ganitong kalaking halaga.”
Ngayon na kasi ang labas ng tatay niya. Dalawang linggo ito sa ICU at dalawang linggo din ito sa private room, kaya naman malaki-laki talaga ang bill nila. Mabuti na lang at nakapag-ipon siya kahit papaano. Malaki din ang naitulong sa kanya ni Nancy dahil pinahiram siya nito ng pera ng malaman na gano’n ang sitwasyon niya.
“Mabuti na lang talaga, ‘Nay, at nakapag-advance payment ako sa amo namin,” pagsisinungaling niya.
Hindi niya maiwasan na mapabuntong-hinga dahil mas nagiging sinungaling na siya.
“Mabuti na lang at mabait ang amo mo.”
Ngumi
