Hindi maiwasan ni Vita at ng mga bata na mamangha sa resort na kanilang pinuntahan. Nasa Nacpan Beach sila ng El Nido Palawan. Gusto ni Jeremy na sa beach na ito sila ikasal. Gusto kasi nito ng beach wedding. Hindi na din naman siya umalma dahil kung anong gusto nito ay ‘yon ang masusunod. Basta ang importante sa kanya ay ang maikasal sa lalaking mahal niya.
“Ang ganda!” namamanghang sabi ni Jeremiah at nagtatakbo sa maputing buhangin ng beach. “Magtatagal po ba tayo dito, Dad?” tanong nito sa ama habang pinapalibot ang tingin nito sa resort.
“Gusto mo ba, Baby?” Masayang tumango ang bata bilang sagot. Napangiti naman ang binata saka bahagyang ginulo ang buhok nito. “Huwag kang mag-alala, little Je, magtatagal pa tayo dito.”
“Yehey!” Tumalon-talon pa ito sa tuwa. “Magkasama ba
