Masarap ang tulog ni Vita ng marinig niya ang isang malakas at sunod-sunod na katok sa pinto ng bahay niya. Napatalukbo siya ng kumot dahil gusto niyang deadmahin kung sino man ang kumakatok ngayon. Hahayaan na lang niya ito at baka mapagod din ito sa pagkatok at umalis na din.
Napapikit siya ng mariin ng lumipas ang ilang minuto ay hindi pa rin ito tumitigil sa pagkatok. Mas naging malakas ang katok nito dahilan para mas lalong ikinainis niya.
“Bwesit!” Napahilamos siya sa kanyang mukha. “Sino ba ang walang hiya na kakatok ng ganitong oras sa bahay ko?”
Hindi ba nito alam na ala-una na ng madaling araw? Naiinis siyang bumaba sa kama saka tinungo ang pinto at galit na binuksan ito.
“Ano bang kailangan mo? Ha?” bulyaw niya dito. “Alam mo ba kung anong oras na? Ha? Wala ka ba
