Nasa kusina sina Primo at Ronnie. Abalang inaayos ni Primo ang mga pinamili nila kanina sa supermarket at inilalagay ang mga ito sa mga cabinet na nasa itaas ng lababo habang nangingiti ang labi at prenteng-prente na nakaupo at nakasunod ang tingin sa bawat kilos niya si Ronnie.
Nilingon ni Primo si Ronnie. Kumunot ang kanyang noo at nagsalubong pa ang mga kilay niya habang tinitingnan ito.
“Ganyan na lang ba palagi ang gagawin mo dito sa bahay ko? Uupo na parang hari tapos susundan ako nang tingin?” tanong ni Primo. Bakas sa boses niya ang pagka-sarcastic.
Walang kagatol-gatol na tinango-tango ni Ronnie ang kanyang ulo Ronnie saka lumaki pa ang ngiti sa kanyang labi.
“Hindi mo man lang ako tutulungang ayusin itong mga pinamili natin?” tanong pa ni Primo.
Kumibit-balikat si Ronnie. “K
