Mabilis ang ginagawang pagsubo, pagnguya at paglunok ng pagkain ni Ronnie, para siyang kasali sa marathon na kung saan ang maunang makaubos ng pagkain ay panalo sa patimpalak. Sobra-sobra ang inis na nararamdaman niya kaya naman sa pagkain na lang niya ibinubuhos ang pangit na nararamdaman kay Theo at sa kaibigan nitong si Rovic na ngayon ay nag-uusap sa sala.
‘Kung hindi pa ko lumabas kanina ay malamang may hindi kanais-nais na nangyari sa kanilang dalawa sa kotse. Mga bwisit! Bwisit talaga!’ wika pa ni Ronnie sa kanyang isipan habang patuloy sa pagkain.
Samantala, nasa harapan naman niya at nakaupo sa upuan na nakapwesto sa kabilang side ng lamesa si Sofia. Nakapangalumbaba siya habang nakatingin ng diretso kay Ronnie. Napapangiti siya dahil natutuwa siya sa nakikitang mabilis na pagk
