Nakatayo si Theo sa harapan ng malaking bintana na nakapwesto sa dulo, bandang kaliwa ng ikalawang palapag ng bahay. Nakatingin ang mga mata niya sa labas kung saan nakikita niya ang kadiliman ng kalangitan na binibigyang liwanag ng sinag nang malapit ng bumilog na buwan at mga nagkikislapang mga bituin na nakapaligid dito. Kanina ay nasa kwarto na siya para matulog ngunit kahit anong gawin niyang pilit matulog ay hindi siya dalawin ng antok kaya naman nagpasya na muna siyang lumabas at iwanan si Sofia na mahimbing nang natutulog sa kwarto. Malalim na rin ang tulog ni Theodore sa sarili nitong kwarto nang puntahan niya rin ito kanina at bigyan ng munting halik ang noo nito.
Hindi lamang alam ni Theo kung tulog na nga ba si Ronnie na nasa guest room ngayon. Ewan ba niya kung bakit dito nag
