Ipinasok ni Ronnie sa bakuran ng bahay nila Theo ang kanyang minamanehong kotse. Hindi nagtagal ay hininto niya ito saka ipinarada ng maayos sa bandang gilid.
Tinanggal ni Ronnie ang seatbelt na nakabalot sa katawan niya pagkatapos ay binuksan niya ang pintuan sa driver’s seat saka siya lumabas ng kotse. Muli niyang isinara ang pintuan nito matapos niyang maiapak ang kanyang mga paa sa lupa.
Tiningnan ni Ronnie ang bahay nina Theo. Tumaas ang kilay niya dahil sa kanyang napansin. Namuo ang pagtataka sa utak niya.
“Bakit nakasara ang mga bintana at pintuan?” nagtatakang bulong ni Ronnie sa hangin.
Nagkibit-balikat si Ronnie saka siya naglakad palapit sa kinaroroonan ng bahay. Ilang sandali lang ay nakarating siya sa harapan ng pintuan nito. Hinawakan niya ang doorknob saka pinihit-pihit
