Matiyaga pa ring naghihintay sina Sofia at Theodore sa harapan ng fast food chain. Nangangawit na nga ang mga binti at paa saka ang mga kamay ni Sofia pero tinitiis pa rin niya at nananatili siyang nakatayo.
“Hindi sinasagot ang phone. Nasaan na bang lupalop ang dalawang ‘yon?” bulong na tanong ni Sofia. Kanina ay tinawagan niya ang dalawa ngunit kahit isa sa mga ito ay hindi sinagot ang tawag niya na nagpadagdag sa nararamdaman niyang pagkainis.
“Mama, uwi na po tayo,” aya ni Theodore na inip na inip na rin sa kakahintay.
Tiningnan ni Sofia si Theodore. Ningitian niya ito. “Konting hintay na lang baby, okay?” aniya sa anak. “Baka na-traffic lang kaya hindi pa nakakabalik,” pagbibiro niya pa saka nilakihan ang ngiti na nakasilay sa bibig niya.
Tumaas ang mga kilay ni Theodore. “Traffic
