Matinding pagkadismaya ang nararamdaman ni Primo. Mababanaag ito sa kanyang mukha habang diretsong nakatingin sa kanyang boss na si Harry. Nasa loob siya ng opisina nito kung saan siya nito pinapunta para kausapin siya at ibinigay ang malungkot na balita sa kanya.
“Bossing naman, alam niyo naman na kailangang-kailangan ko ng trabaho,” nanlulumong pahayag ni Primo. “Pumayag na nga ako na magbakasyon ng isang linggo kahit labag sa loob ko tapos ngayon sasabihin niyo sa akin na tuluyan niyo na akong tatanggalin? Parang ang unfair naman nun sa’kin, bossing,” aniya pa.
Mababanaag naman ang kalungkutan sa mukha ni Harry. Hindi niya ito gustong gawin ngunit kailangan.
“Pasensya ka na Primo pero ito na ang pasya ko. Masusi ko rin itong pinag-isipan,” ani Harry na sinasalubong ang pagtingin sa k
