Sumapit na ang gabi ngunit hindi pa rin umuuwi si Sofia sa bahay. Nananatiling nasa bahay si Ronnie at kasama ni Theo.
Abala si Theo sa pagluluto ng kakainin sa hapunan. Niluluto niya ang ginataang tilapia habang pinapanuod naman siya ni Ronnie na nakasandal ang pwetan sa lababo at nakahalukipkip ang mga braso sa harapan ng kanyang dibdib.
“Kalalaki mong tao pero ang galing mong magluto,” pagpuri ni Ronnie kay Theo.
Sandaling tiningnan ni Theo si Ronnie. Nakita niyang nangingiti ang labi nito saka tumingin sa kanya. Mas lalong lumaki ang nakakurbang ngiti sa labi ng huli.
Iniwas ni Theo ang tingin niya kay Ronnie at pinokus ulit ang kanyang paningin sa niluluto. “Palagi ko kasing pinapanuod ang mama ko noon magluto kaya natuto ako mula sa kanya,” aniya.
Tinango-tango ni Ronnie ang kan
