Mababanaag sa mukha ni Primo ang matinding pagkamangha habang nililibot ang tingin sa bawat bahagi ng mansyon. Gandang-ganda siya sa lahat ng kanyang mga nakikita dito.
Nililibot ni Ronnie si Primo sa buong mansyon. Napuntahan na nila ang mga kwarto sa unang palapag at nalaman ng huli na gaming room, entertainment room, library, office ni Ronnie at wine cellar pala ang mga iyon. Pahapyaw din na nalaman ni Primo ang iba’t-ibang klase ng alak dahil marami iyon sa wine cellar room at nakatikim rin siya ng kaunti dahil pinilit siya ni Ronnie. Nasarapan naman siya sa red wine na ipinatikim sa kanya ni Ronnie at ayon rito ay galing ‘yon sa Spain at ginto ang presyo. Nagulantang nga si Primo sa halaga ng isang bote nito at tinawanan naman siya ni Ronnie.
Ang mga kwartong nabanggit ay halos lima
