Ngumingiti habang lumalangoy si Primo sa malaking swimming pool ni Ronnie. Hindi maikakaila sa kanya na natutuwa siya at na-miss niya ang tubig at ang paglangoy dagdagan pa na gustong-gusto niya ang pool dahil sa angking laki at haba nito saka ang linis din ng tubig. Ang pagdampi ng may kalamigang tubig sa kanyang balat ay nagbibigay ng nakaka-relax na pakiramdam sa kanya.
Nakaupo naman sa beach chair si Ronnie habang relax na relax na iniinom ang mango juice na nakalagay sa hawak nitong baso at pinapanuod lumangoy si Primo sa pool. Napapangiti ang labi niya sa tuwa dahil hindi maikakailang marunong itong lumangoy. Sa bawat galaw ng mga kamay at paa nito sa tubig ay hindi maitatanggi na kung gagawin nitong propesyon ang paglangoy, tiyak na may pupuntahan ito.
Nakasunod ang mga mata ni Ro
