Nakaupo ng pa-indian sa isang sulok ng bookstore sina Primo at Rovic. May kanya-kanya silang hawak na libro na abala nilang binabasa kanina pa. Hindi lamang sila ang nagbabasa ng libre sa bookstore, may mga kasama rin silang iba na karamihan ay mga estudyante. Hinahayaan lang naman sila ng mga staff na minsan ay nagagawi sa kanilang pwesto at nakikita sila.
Lumipas ang mga minuto ay sinulyapan ni Primo si Rovic na nakatutok naman ang mga mata sa librong binabasa. Sumilay ang maliit na ngiti sa labi niya. Hindi niya maintindihan kung bakit magaan ang loob niya sa binata at nagawa niya pang samahan ito sa pagbabasa.
“Tapos mo nang basahin ang libro?” pagtatanong ni Rovic saka tumingin kay Primo. Ngumiti siya dahil tama ang pakiramdam niya na tinitingnan siya nito.
“Uhm... Hindi pa,” nahih
