Nakatambay sa labas ng dorm si Primo. Nakaupo siya sa isang mahabang upuan na gawa sa kahoy na nasa tabi lamang ng gate at nakatingala sa madilim na kalangitan. Napapangiti ang labi niya dahil sa napakaganda ng kanyang nakikita ngayong madaling araw.
Walang tao sa daan pero hindi naman delikado dahil maliwanag pa rin naman sapagkat nagkalat ang mga street lights sa paligid. Hindi makatulog si Primo at ayaw rin niya na nasa kwarto lang siya kaya naisipan niyang lumabas na muna para magpahangin. Nadadama niya ang kasarapan ng malamig na hangin na dumadampi sa kanyang balat.
Lumipas ang mga minuto ay napalingon si Primo sa napansin niyang kulay itim na kotseng paparating. Kumunot ang kanyang noo at nagsalubong ang kanyang mga kilay dahil sa pagtataka ng makalapit ang kotse at huminto sa har
