Lumabas ng banyo si Primo. Pinupunasan niya ng maliit na twalya ang kanyang basang buhok. Medyo basa rin ang kanyang katawan na tanging twalya lamang ang suot. Kakatapos lang niyang maligo.
Kumunot ang noo at nagsalubong ang pares ng kilay ni Primo nang marinig niyang tumutunog ang ringing tone ng kanyang phone na nakatapong sa ibabaw ng maliit na lamesa.
“Sino naman kaya ‘yung tumatawag?” nagtatakang tanong ni Primo. Sumagi sa isipan niya si Ronnie. “Siya kaya?” tanong niya pa.
Tinigil na muna ni Primo ang pagpupunas sa medyo natuyo na niyang buhok at ipinatong niya sa kanyang kanang balikat ang hawak na maliit na twalya saka niya nilapitan ang patuloy na tumutunog na phone at ito’y kinuha. Tiningnan niya kung sino ang tumatawag at nakita niya mula sa screen ang pangalan ni Ronnie. Nap
