"WHAT did he say, Leo? Sa kanya mo ba mismo iniabot?" tanong ni Yuri pagpasok pa lang ng empleyado. Hindi niya ipinahalata na kanina pa niya ito hinihintay mula pa ng lumabas ito ng shop para ihatid ang order ni Sebastian.
"Wala naman, Ma'am Ri," sagot nito at kinuha ang basahan at surface cleaner na hinubad nito kanina.
"Wala? Pa'nong wala? Hindi siya nagtanong ng kahit ano?" Hindi niyaa naitago ang pagkadismaya sa tinig niya. Mabuti na lang at parang hindi naman 'yon nahalata ng lalaki dahil nagpatuloy lang ito sa paglilinis ng mesa.
Mayamaya ay tumigil ito at hinarap siya. "Seryoso, Ma'am e. Parang nakaistorbo nga ako kasi may kausap siyang babae no'ng dumating ako. Girlfriend niya yata. Baka nag-away sila tapos sinuyo ni Sir Basty kasi nakita ko parang malapit na silang mag-kiss kun
