NAGISING ako nang nararamdaman kong may mainit na palad na humahaplos sa aking pisngi. Napaungot ako dahil sobrang inaantok pa ang aking diwa. Muli akong ginupo nang antok. Ngunit ilang sandali ay naramdaman ko na naman ang mainit na palad. Nag-inat ako gamit ang aking mga braso, iminulat ko ang aking mga mata.
Hindi naman ako nagsisisi nang pinili kong iminulat ang aking mga mata dahil ang guwapo at nakangiting mukha ng aking asawa ang aking nabungaran. Ngunit napapikit akong muli nang tumama ang sikat ng araw sa aking mga mata. Binuksan na pala nito ang bintana para pumasok ang sikat ng araw sa silid ko. Ganito lagi ang kanyang ginagawa tuwing umaga dahil healthy raw ang isang tao na magpapa-araw saglit tuwing umaga. At sumang-ayon naman ako sa kanya dahil totoo naman ang kanyang sinab
