Mona
Nagpunta ako sa palengke upang mamili ng mga sangkap para sa tanghalian namin ni Tiya Lumen. Naisipan kong magluto ng masarap na menudo para mamaya.
Habang naglalakad ako ay napansin ko ang isang motor na may sakay na dalawang lalaki na kanina pa paikot-ikot sa daan. Tila may inaabangan sila na kanina pa nila sinusubaybayan.
Hindi ko na muling pinansin pa ang mga ito. Nagpatuloy ako sa paglalakad upang marating ko agad ang palengke at makauwi na rin ako ng maaga.
Ngunit ilang saglit lang ay nasaksihan ko ang mga sakay ng motor na pilit na hinahablot ang dalang bag ng isang babae.
Mga masasamang tao pala sila. Mga magnanakaw!
Nakikipaglaban ang babae upang huwag makuha ang bag nya na pilit na inaagaw ng mga kawatan.
Hindi ko alam ang pumasok sa utak ko at bigla ko na lama
