“Ganun na lang ba ‘yon, Art? Aba, ginago ka nung lalaking ‘yon. Dapat sa kanya lagyan ng bala sa ulo, eh!” inis na sigaw ni Ron, habang sinipa-sipa ang dashboard ng sasakyan. Nasa passenger seat siya, katabi ni Art na nagmamaneho ng SUV nila.
“Oo nga naman, Art,” dagdag ni Lemuel mula sa likod. Nakahilig siya sa bintana habang abala sa pagmamasahe ng kanyang knuckles. “Kung hindi ka lang nagpigil, baka burol na ng lalaking ‘yon bukas.”
Tahimik lang na nagmamaneho si Art. Ang ekspresyon niya ay parang wala lang nangyari—kalmado, may bahid ng yabang, at may aura na parang hawak niya ang mundo. Nagbuntong-hininga siya at bahagyang ngumiti, isang ngiting halatang may tinatagong balak. “Relax, okay? Everything is under control. Sa ngayon, lamang siya,” sabi niya nang malamig at dahan-dahan, “
