Madilim na ang paligid, tahimik ang gabi, at malamig ang simoy ng hangin na galing sa mga ilog at bundok. Ang tunog ng mga kuliglig ay parang background music sa kalmadong gabi. Sa loob ng bahay, tulog na ang magkakapatid na Dan, Den, at Din. Kasama nilang natutulog si Peggy—ang matabang pinsan ni Watt na mahilig magkunwaring may lahi raw siyang Albert Einstein at magaling sa English pero laging sablay. Katabi ng mga bata, humihilik si Peggy na parang sirang chainsaw. Sa sobrang lakas, halos maabot na nito ang balkonahe kung saan nakaupo si Watt Yabro.
Si Watt ay tahimik na nakaupo sa kahoy na bangko, ang kanyang mga siko ay nakapatong sa rehas ng balkonahe habang nakatingin sa madilim na kalangitan. Hindi ganoon kadami ang bituin ngayong gabi, pero ang buwan, sa hugis nitong crescent, ay
