Nang mabitawan ni Liam ang huling nota at sumabog ang palakpakan sa buong gymnasium, hindi na kinaya ni Thea. Pakiramdam niya, sasabog ang dibdib niya sa bigat ng mga alaalang bumaha sa isip niya.
Ayaw niyang makita siya ng mga kapwa niyang Student Council members na umiiyak sa gitna ng event, kaya mabilis siyang tumalikod at halos patakbong tinungo ang pinakamalapit na banyo ng mga babae sa gilid ng gym.
Blag.
Pagkasara na pagkasara ng pinto ng banyo, agad niyang ni-lock ang cubicle at doon tuluyang ibinuhos ang lahat ng luhang kanina pa niya pinipigilan. Napasandal siya sa pinto, itinikom ang kaniyang bibig gamit ang kaniyang palad upang hindi humalakhak ang kaniyang mga hikbi sa buong silid.
"Liam… ano ba talagang ginagawa mo sa akin?" bulong niya sa sarili habang pumapatak ang mga
