Dumating ang araw ng pag-alis ni Lucas. Puno ng mga taong nagmamadali at nag-iiyakan ang labas ng departure gate ng NAIA. Habang si Tita ay abala sa pag-aayos ng mga huling bibilhing meryenda sa malapit na stall, naiwang mag-isa ang magkapatid sa isang tabi, bitbit ang huling backpack ni Lucas.
Naging tahimik ang kapaligiran sa pagitan nilang dalawa, hanggang sa basagin ni Lucas ang katahimikan gamit ang isang seryoso at malalim na boses.
"Liam," tawag nito. Tumingin si Lucas nang diretso sa mga mata ng kaniyang kapatid; wala ang pamilyar na asaran, kundi isang lalaking nag-iiwan ng pinakamabigat na habilin ng kaniyang buhay. "Alam ko, hindi ko na kailangan pang sabihin 'to, pero para sa huling pagkakataon, sasabihin ko pa rin. Hindi ko alam kung makikita ko pa ulit si Thea. Pero gusto k
