Napatigil si Thea habang inaayos ang bow tie ni Lucas. Tumingin siya sa mukha ng binata—sa hugis ng kaniyang panga, sa kaniyang mga mata—at biglang nabilaukan sa sariling mga salita.
"Kamukha mo si..." Hindi na itinuloy ni Thea ang kaniyang sasabihin. Agad siyang napayuko, namutla, at mabilis na bumitaw sa leeg ni Lucas.
"S-Sorry, Love… sorry…" pabulong at buong pagsisising hihingi ng tawad si Thea. Bumalik na naman ang guilt sa kaniyang dibdib nang ma-realize kung ano na naman ang muntik niyang masabi.
Bahagyang natigilan si Lucas. Pumatak ang ilang segundong katahimikan sa pagitan nilang dalawa sa loob ng fitting room. Ramdam ang bahagyang pag-iiba ng hangin, ngunit imbes na magalit o mag-walk out, huminga nang malalim ang binata.
Dahan-dahang hinawakan ni Lucas ang baba ni Thea at i
