Pagkauwi nila sa bahay, dahil sa matinding pagod at emosyon ng buong araw, maagang nakatulog si Thea. Samantalang si Lucas naman ay nakaupo sa sala, nakatuon ang pansin sa kaniyang laptop habang nagpapatuloy sa kaniyang trabaho.
Biglang nag-ring ang telepono ni Lucas. Nang tingnan niya ang screen, nakita niyang ang kaniyang mommy ang tumatawag. Agad niya itong sinagot at inilagay sa kaniyang tainga habang patuloy na nagta-type sa laptop.
"Lucas, kumusta kayo ni Thea?" tanong ng kaniyang ina mula sa kabilang linya. Puno ng pag-aalala ang boses.
"Okay lang naman, Ma," mahinahong sagot ni Lucas. "Nag-aasikaso pa rin kami para sa kasal. Saka tulog na rin si Thea, Napagod din kasi sa maghapon."
Natahimik nang ilang sandali ang kaniyang mommy sa kabilang linya. Tila naramdaman ng ina ang bah
