Kinabukasan, araw ng Linggo, maagang nagtipon ang magkapatid sa hapag-kainan. Kasabay nilang nag-aalmusal ang kanilang tita na siyang direktor ng school kung saan sila nag-aaral. Mainit ang kape, masarap ang sinangag at ulam, ngunit biglang nagbago ang ihip ng hangin nang basagin ng kanilang tita ang katahimikan.
"Lucas, nagkausap na ba kayo ng Mommy mo?" tanong ni Tita habang naglalagay ng pagkain sa platito nito.
"Yes po, Tita… kaninang umaga lang," sagot ni Lucas sa seryoso at mahinahong tono, bago sumubo ng pagkain.
Napatigil sa pagsubo si Liam. Napatingin lang siya sa dalawa, palipat-lipat ang tingin kay Lucas at sa kanilang tita. Nakaramdam siya ng bahagyang kaba sa kutob niya kung tungkol saan ang usapan.
"Ayusin mo na 'yung mga documents mo… lahat ng hinihingi ng Mommy mo para
