"Wala pang dalawampu't apat na oras, Liam… bumalik ka na agad sa Liam na basagulero, sa Liam na mainitin ang ulo," basag na basag ang boses ni Thea habang patuloy na dumadaloy ang mga luha sa kaniyang pisngi. "Umalis ka na... Umalis ka na muna, please."
Napakapit si Liam sa rehas ng gate, parang guguho ang buong mundo niya sa mga susunod na salitang binitawan ng dalaga.
"Mukhang hindi ako nakakatulong sa'yo… kasi dahil sa akin, nag-aaway kayo ng kapatid mo," pagpapatuloy ni Thea, hinahawakan ang kaniyang dibdib sa tindi ng sakit. "Iyon ang ayaw kong mangyari, Liam. Ayokong maging dahilan ng pagkakagulo ng pamilya niyo… pero iyon mismo ang ginagawa mo."
"Hindi, Thea… hindi, baby, please, huwag mong sabihin 'yan." Nangangatog ang buong katawan ni Liam. Idiniit niya ang kaniyang noo sa mal
