Ngunit ang tunay na nagpabagsak sa panga ni Lucas ay hindi lang basta ang nasasaksihang pagiging malapit ng dalawa. Halos magunaw ang mundo niya nang marinig mismo ng kanyang dalawang tainga ang salitang lumabas sa bibig ng basketbolista. Tinawag lang naman ni Liam ni "Mommy" ang kinatatakutang Math professor ng buong Engineering Department!
Para kay Lucas, tila isang malaking himala na ang isang kilalang terror professor ay may ganito palang kaamo at kalambing na panig sa isang estudyante.
"Kuya," magalang na bati ni Liam kay Lucas sabay tango, bago ibinalik ang atensyon sa ginang.
"Hi, Lucas," bati naman din ni Thea, na tila sanay na sa ganoong reaksyon ng mga nakakita sa kanila.
Bahagyang natauhan si Lucas mula sa matinding pagkagulat. Wala siyang nagawa kundi ang tumango na lamang
