PANAY ang tingin ni Brielle sa orasan na nasa bedside table. Mag-aalas onse na ng gabi. Pero hindi pa din siya dalawin ng antok. Tanga na kung tanga pero umaasa siyang uuwi si Sebastian. Ngayong kumpirmado na niyang buntis siya, desidido na si Brielle na kausapin ang binata. Baka sakaling kapag nalaman nito na magkakababy na ulit sila, pakinggan nito ang paliwanag niya.
Iniisip pa lang niya ang mga sasabihin sa lalaki ng makarinig siya ng mga katok sa pintuan. Nagmamadaling bumangon si Brielle at binuksan iyon.
Si Sebastian.
Tumalon sa tuwa ang puso niya ng makita ang binata. Gustong-gusto na niya itong yakapin at halikan. Miss na miss na niya ang lalaki. Ngunit pinigilan niya ang sarili. Dahil sa nakikitang anyo nito.
Walang emosyon sa magandang mukha ng binata. halata ang pagod at st
