NAGISING si Brielle na nakahiga na siya sa kamang inuukupa niya sa cabin. Dahan-dahan siyang bumangon. Nakaramdam siya ng sakit sa bandang hita. May malaking pasa. Nakuha siguro niya sa nang gumulong siya pababa sa trail.
Bumukas ang pinto. Iniluwa niyon sina Abigail at Maxine. Kaagad siyang dinaluhan ng dalawa nang makitang gising na siya.
"Brie.." naupo sa tabi niya si Maxine.
"What happened?" Pinaglipat niya ang tingin sa dalawa.
"Gosh, Brie!" Inilapag ni Abigail ang dalang tray na may umuusok na pagkain sa bed side table. "Gumulong ka pababa ng daan. Ang taas!" mangiyak-ngiyak anito.
"Lahat kami nataranta... Si Sebastian lang 'yung alertong kaagad na pumunta sa kung saan ka nakahandusay. Kamuntikan pa nga siya madulas pagmamadali." Katulad ni Abigail ay bakas rin ang pag-alala
