PAGE 16
Minsan
*******
Natulala ako nang ilang sandali. Hindi ako makahuma sa nakikita ko.
Hindi talaga nauubusan ng suprises ang mundo ko ngayon.
Marahan akong humakbang palapit sa pwesto ni Jona. Pero iyong mga mata ko ay nakatuon sa bisita na tinutukoy nila.
"Ba't nandito ka?" Di ko natiis na magtanong pagkaraan.
Nginitian niya lang ako. "Too see you."
"Dennis?" Hindi makapaniwalang bulong ko.
What is this?! Shocks naman!! Ano bang ginagawa niya dito? Paano niya nalaman na dito ako nag-iistay?
"Kanina ka pa nga niya hinihintay." Si Aling Maria. "Hindi mo naman sinabi na kaibigan mo na pala si Dennis, Rein. Alam mo na okay lang ang mga bisita basta kilala ko."
Napatitig ako saglit kay Aling Maria. Gusto kong sabihin sa kaniya na 'alam niyo po na kilala ko si Dennis'.
