Remmy's POV
Hindi ako nakagalaw mula sa aking kinauupuan habang nakatitig sa lalaking nasa harapan ko. Nakangiti pa rin ito habang nakatingin sa akin. Kitang-kita ang mapuputi at pantay nitong mga ngipin. Ang kaakit-akit nitong mga mata ay kumislap-kislap tulad ng mga brilyantes.
Hindi ako maaaring magkamali, siya ang lalaking pumasok noon sa loob ng clinic nang mapaaway ako. Isang malaking palaisipan kung bakit siya naririto gayong hindi naman siya estudyante ng unibersidad na ito, maliban na lamang kung may kapit siya sa taas kaya malaya siyang nakakalabas-masok ng walang kahirap-hirap.
Ngunit, ano ang dahilan nang pagparito niya?
Ganoon ba kahalaga ang sadya niya?
Ayaw ko mang isipin ngunit pakiramdam ko'y hindi basta nagkataon lang ang lahat ng mga nanyayaring ito. Sinadya ng pagk
