Remmy's POV
"Bakit ka umiiyak, kuya? May nangyari ba?" sunod-sunod na nag-aalalang tanong ko kay kuya ngunit tanging mga luha mula sa kaniyang mga mata ang naging tugon niya.
"Gusto mo bang pag-usapan natin kung anong problema, kuya? Hindi ako sanay na nakikita kang ganiyan," dugtong ko.
Ilang oras pa lang naman ang nakalipas matapos naming mag-usap. Nagbibiruan pa nga kami kanina tapos biglang naging ganito ang eksena na bubungad sa akin. Hindi kaya may nasabi akong hindi maganda kaya sumakit ang loob niya?
Sa pangalawang pagkakataon ay ngayon ko uli siya nakitang umiyak nang ganito. Kulang na lamang ay malunod si kuya sa sarili niyang mga luha.
Bata pa kami ay likas na kay kuya ang pagiging masiyahin. Palaging may naka-ukit na matamis na ngiti sa kaniyang mga labi ano man ang ginaga
