Kabanata 45
3rd pov
Tumayo ang pari sa harap nila.
Huminto ang mahinang usapan ng mga bisita. Ang tanging maririnig na lamang ay ang marahang hampas ng alon sa buhangin at ang banayad na ihip ng hangin na tila nakikisabay sa sandali.
Tumingin ang pari kina Valerie at Kazuki isang tingin puno ng pag-unawa.
“Ang pag-ibig,” panimula nito, “Ay hindi lamang pangakong binibigkas sa araw na ito.”
Saglit itong tumingin sa dagat.
“Ito ay desisyong pinipili araw-araw. Sa gitna ng saya, sa gitna ng takot, at sa gitna ng mga pagsubok na hindi ninyo inaasahan.”
Bumalik ang tingin nito sa dalawa.
“Ngayon, sa harap ng Diyos at ng mga taong nagmamahal sa inyo, kayo ay narito hindi lamang upang ipagdiwang ang pag-iisang dibdib kundi upang ipangako na pipiliin ninyo ang isa’t isa, sa bawat yugto n
