Episode 13
Angel
Hindi ako tinitigilan ni Philip. Pati cellphone number ko ay alam niya. Kinukulit niya ako na magpa DNA test si Simoun. Gusto niyang malaman kung sino talaga ang ama. Kung siya ba o si Blake.
Kaya para matapos na ay pumayag ako.
Kumuha ako ng ilang piraso ng buhok ni Simoun at Blake.
"Dala mo na?" tanong ni Philip.
Nagkita kami sa isang restaurant kung saan niya sinabi.
"Eto," inilapag ko sa kaniya ang nakuha kong piraso ng buhok ni Simoun at Blake.
"Thank you, baka next week ay makuha na natin ang resulta. Gusto mo bang samahan ako para hindi ka magduda?" tanong n’ya.
Umiling ako. "Hindi na,"
Alam ko naman na hindi niya kayang lokohin ‘yan. Kahit papaano ay kilala ko siya at hindi siya madumi maglaro.
"Tawagan mo na lang ako kapag may resulta na."
"Tandaan
