Episode 16
Angel
Mahimbing ang tulog ni Blake sa ilalim ng kumot na bumabalot sa hubad naming katawan. Kinuha ko 'yong pagkakataon para makapag-ayos kami ni Simoun. Mabilis akong nag-ayos ng sarili at nag-empake. Sunod kong inasikaso ay si Simoun.
"Mom, saan po tayo pupunta?"
"Uuwi muna tayo kanila Lola mo, ha? Huwag ka na munang maingay, baby," sabi ko habang busy na nilalagay ang mga damit niya sa bag.
"Hindi po ba natin isasama si Papa?" tanong niya. Hindi ako nakasagot. Humarap ako sa kaniya. "Hindi muna sa ngayon, anak."
Pagkatapos namin maayos ang lahat ay umalis na kami ng apartment. Sa ngayon ay doon muna kami tutuloy sa bahay nila Mama, ayon sa utos ni Philip sa 'kin.
Gulat si Mama dahil napakaaga ay nandon kami sa kanila. Ang akala nila ay nag-away kami ni Blake pero nagk
