Episode 17
Angel
Ilang araw ako nagdamdam at nagkulong dahil sa nangyari. Bigla na lang tutulo ang luha ko. Nalulungkot ako dahil sa nangyari sa 'min ni Blake. Hanggang ngayon ay nasasaktan pa rin ako. Gusto ko siyang kumustahin. Ayos lang ba siya? Kumusta na siya? Kasi ako hindi. Hindi na yata ako magiging ayos. Pero sinusubukan ko para sa anak ko. Si Mama ang naging karamay ko sa mga panahong walang wala ako. Ano na lang ako ngayong wala na si Blake? Hindi ko maisip.
"Mahal na mahal ko si Blake, Mama."
"Pero hindi mo pinaglaban,"
"Gusto ko pero wala akong panlaban. Talo kami e. Hindi ko kayang mawala sa 'kin ang anak ko, Mama."
"Minsan kasi kailangan talaga nating mamili. Sobrang hirap pero kailangan mong pumili kung sino ang mas mahalaga."
Umiyak ako sa bisig ni Mama. Si Mama ang
