Kabanata 167
Lee’s POV
Kasalukuyan kaming nag-aagahan ngayon sa hapag, kasama sila Tito at Tita. Nakaupo lang kami kanina habang inaasikaso kami ng mga katulong nila. Balak ko ng asana kaninang tumulong sa paghahanda ng mga plato at kobyertos, kaso pinigilan ako nila Tito at Tita. Kesyo may katulong naman daw sila na gagawa ng mga ganoong bagay. Kaya hindi na lang din ako namimilit pa at tahimik na lang na sinusundan ang bawat galaw ng mga katulong. Hindi kasi ako sanay na may nagsisilbi sa amin sa bahay, may katulong naman kami, pero iyong mga gawaing kaya naming gawin ay kami lang ang gumagawa.
“Dapat masanay ka na hindi ka gumagawa ng mga ganoong gawain kapag nandito ka sa bahay, Hijo. Kasi nga may gagawa naman niyan para sa atin.” Maluma
