Kabanata 145
Harvey’s POV
“Lee,” kinalabit ko ang kapatid ko na busy sa pagtitipa sa kanyang telepono.
“Po?” hindi naman siya nag-abalang tignan ako.
“Makinig ka nga muna,” tinabunan ko ng kamay ko ang screen ng kanyang phone, kaya nagawa kong kunin ang kanyang atensiyon.
“Kuya, naman e.”
“’Di ka kasi nakikinig.”
“Nakikinig naman ako, sinagot nga kita ‘di ba?”
“Pero nasa telepono mo naman ikaw nakatingin,”
Nagbuga na lang siya ng kanyang hininga at hindi na lang nakikipagtalo.
“Ano ba kasi ‘yon?” nakaupo kasi kami ngayon sa mahabag sofa rito sa hideout, kanina pa kami nakarating dito. Kasama namin sina Alfonso, Randy at Miguel na abalang-abala sa kanilang trabah
