Kabanata 146
Lee’s POV
Kanina pa ako naiinis kay kuya dahil sa kanyang pangugulit sa akin, busy kasi ako ka-te-text kay Tristan. Pero kahit anong gawin kong focus sa pagtipa, hindi pa rin ako makagawa ng maaaring i-reply sa kaibigan.
“Lee,” kinalabit ako ni Kuya, kahit na nakikita niya akong busy sa pagtitipa sa aking telepono.
“Po?” may halong inis na ang boses ko, hindi ko lang pinahalata sa kanya, wala rin akong oras para tapunan siya ng tingin kasi nga napako ang mata ko sa screen ng aking phone.
“Makinig ka nga muna,” tinabunan niya ng kamay niya ang screen ng aking phone, kaya nagawa niyang kunin ang aking pansin.
“Kuya, naman e.” maktol ko pa sa kanya, kasi nga sa sobrang kulit ni Kuya ngayon,
